以下係一啲關於我嘅指控同埋我嘅回應：
2019年3月開始冇出過非廣告長文：
Facebook正確嚟講係四月，IG幾乎日日update。但請問有何關連？
——
2019年6月到依家正po對香港情況隻字不提（直至今日2/10喺連登俾人屌）：
???? 隻字不提 ????
——
三次瑞典支持香港集會9/9、23/9、29/9，只係9/9出現過一次。根據三家姐個人ig另外兩次集會同時三家姐都係喺瑞典屋企，但冇出席，更加對求佢幫忙推po嘅巴絲不讀不回。三家姐曾經出文 / story話好想做啲嘢，叫人有嘢搵佢幫手。不過後來就edit個po 刪咗「搵佢幫手」呢句。由6月至今，好多絲打曾經非常卑微禮貌地請求三家姐幫手宣傳普通文宣/ 港人日程/ 瑞典港人集會資訊，全部已讀不回 / 不讀不回。：
我其實冇責任要向任何人報告我行跡，但我唔怕話埋畀你知。三次集會，一次在國外，一次病咗，一次本來就有出席。
我的確係有叫大家inbox我，睇睇有咩幫到手，主要分享心事，亦一早有聲明單逐我一人之力唔能夠全部回覆。雖然本來已經寫得好清楚，會改caption就係唔想大家誤會我有求必應；你要我share我就一定要share，要我公開表態我就要公開要表態，一唔順你意就要被屌，合理嗎？加上Instagram有樣嘢叫Message request，睇咗都唔會有個seen字，唔係你所講嘅不讀不回。喺Stockholm集會當日咁短時間已經有唔少人被影大頭相，又話有小粉紅搞事。人人都想保護自己，可唔可以將心比己？
如果repost個文宣就叫愛港就叫盡力，咁大家諗下，repost文宣定逐個心事私底下回覆容易？如果我要快速攞彩，點解我要私底下接收咁多負能量，而唔係repost張圖就搞掂？講表態一早表咗，香港人要搵文宣日程表有幾難，但一個喘息嘅機會就更難得。我只係做緊我擅長嘅事，我唔想再見到有人離隊。
有人話見過打完仗嘅人就會明，點解佢地見到我撚貓story會燥，所以我畀人屌老母都正常。但講真，六月七月我都喺香港。打仗，何止見過咁簡單呢？你哋認識只係三家姐呢個身份，唔係私底下嘅我，更加唔知道我做過啲咩，唔知道我有何考量。
做咗放上網係攞光環，唔放上網公告天下等於冇做。就算有放上網，只要唔係有晒證據搏拉咁款就係做假，呃人有去。你想我點？
有人話我返香港係為簽書同賣廣告，年尾搬返嚟都為簽書。如果係，點解我唔自己一個返就夠？要帶埋老公喺唔確保佢有冇工開嘅狀態下，搬晒全屋嘢咁返嚟？再者，機票酒店同樣要錢，我每飛一轉都要成本。我唔係因為簽書會所以先返香港，係返香港所以先搞簽書會。你明唔明呀？
最後，啱啱嗰句「咁你做過啲咩呀？你唔跑去自焚？實爭取到輿論㗎喎。仲喺屋企上網批鬥幫到件事咩？」係冇必要，我亦唔鼓勵自殘，一時之氣。如果任何人因此而覺得難受我很抱歉，任何人命傷亡係我最唔想見到嘅事，亦係我一直做大家樹窿嘅原因。
另外提到嘅瑞典media interview，其實已經私底下回覆佢了，但覆咗唔公告天下喺你哋眼中都係罪。
已經盡力回應了。
我從來只係為喜歡我嘅人而寫，我會講咁多係因為唔想一直支持我嘅讀者失望。
如果你仍然要討厭我嘅話，你就繼續討厭我吧，我沒差。
Search